Eliminar a túa conta de Doa

Doa é unha app de Andrés Lara Mesa. Podes eliminar a túa conta e os datos asociados desde a propia app ou, se xa non a tes instalada, escribíndonos.

Desde a app

  1. Abre Doa e vai a Perfil.
  2. Toca «Eliminar conta».
  3. Escribe ELIMINAR e confirma. A conta e os datos elimínanse nese momento.

Sen a app

Escríbenos a info@doaapp.es desde o enderezo co que iniciaches sesión, co asunto «Eliminar a miña conta». Non tes que explicar o motivo.

info@doaapp.es

Se iniciaches sesión con Apple e escolliches ocultar o teu correo, o enderezo que temos é o de reenvío de Apple. Atópalo nos axustes da túa conta de Apple, en «Iniciar sesión con Apple».

Despois, retira o acceso de Doa desde a túa conta de Apple ou de Google.

Confirmarémoscho e eliminaremos a conta nun prazo máximo de 30 días.

Que se elimina

  • A conta: nome, correo electrónico e foto de perfil.
  • Os datos de saúde do perfil: grupo sanguíneo, sexo, peso e data de nacemento.
  • O historial de doazóns.
  • O historial de tests rápidos.
  • Os lugares favoritos, os enderezos e os contactos de emerxencia.
  • O perfil de analítica de uso, se o aceptaras.

Que se conserva, e durante canto tempo

  • Rexistros técnicos das consultas ao asistente (tipo, duración e resultado), sen o que escribiches.

    Quedan sen ningunha ligazón contigo: a ligazón desaparece ao eliminar a conta e, en calquera caso, aos 30 días.

  • Informes de erros da app. Non levan o teu nome, correo nin datos de saúde; só se a eliminación falla, levan o identificador da conta para poder completala.

    Bórranse sós aos 30 días.

Borrar só parte dos datos

Sen eliminar a conta, podes borrar doazóns concretas desde o teu historial. Os tests rápidos non se borran un a un: o historial elimínase coa conta.